അവസാനം അത് സംഭവിച്ചു. മഅദനിക്ക്മേല്‍ നിയമം നിയമത്തിന്റെ ടാങ്കരുട്ടി.നിയമം എന്നത് അങ്ങാടി മരുന്നാണോ പച്ച മരുന്നാണോ എന്നൊന്നും ഈ അരസികനറിയില്ല. എന്നാല്‍ അത് ചിലരുടെ മേല്‍ ഈറ്റപ്പുലി കണക്കെ ചാടി വീഴുകയും ചിലരുടെ തേട്ടങ്ങള്‍ നടപ്പിലാക്കുകയും ചെയ്യുന്നുണ്ട്. ഈ നിയമം ഏതു വഴി പോവണം. ഇപ്പോള്‍ നിയമം എന്ന കൊതാമ്പി ദേശീയ പാത യില്‍ നിന്ന് പഞ്ചായത്ത് റോഡ്‌ വിട്ടു ഊടുവഴിയിലെ മുളങ്കാടിന്ന് താഴെ വന്നു എത്തുംപിടിയും കിട്ടാതെ നില്‍ക്കുമ്പോള്‍............
ഇങ്ങിന്നെ അന്തം വിട്ടു നില്‍ക്കുയല്ല മഅദനി യുടെ കാര്യത്തില്‍ നിയമം. ഇതിനു നല്ല ഉള്‍കാഴ്ചയുണ്ട്. അത് എല്ലാവര്ക്കും തിരിയും. ചിലര്‍ സമന്മാര്‍ മറ്റു ചിലര്‍ കൂടുതല്‍ സമന്മാര്‍.
പണ്ട് വോള്‍ടയര്‍ പറഞ്ഞു. ദൈവമേ എന്റെ ശത്രുക്കളുടെ കാര്യം എനിക്ക് വിട്. എന്റ്റെ സുഹൃത്തുക്കളെ നീതന്നെ നോക്കണം.
സോറബുധീന്‍ വ്യാജ ഏറ്റുമുട്ടല്‍ കേസില്‍ ഇനി മോഡി ക്ക് പേടി വേണ്ട. പകരം ആണവമുണ്ട്. മതേതരത്വം ഒരു ടണ്‍ വീതം മൂന്നു നേരം സേവിക്കുകയോ ചര്‍ദ്ദി ക്കുകയോ ചെയ്യുന്ന ആര്യാടന്‍, പിന്നെ മലയാളം വാദ്യാര്‍ കാരശ്ശേരി, കൂടാതെ ഹമീദ് ,ഷാജി ,മുനീരാദികള്‍ക്ക് ഇനി വെളുക്കെ ചിരിക്കാം. ഹായ്..... ഹായ് ഞമ്മന്റ്റെ നിയമം. അതാ പോണു അവളുടെ വഴിയെ....
പണ്ട് കോപ്പി എഴുതിയിരുന്നു 'ആയിരം കുറ്റവാളികള്‍ രക്ഷ പെട്ടാലും ഒരു നിരപരാധി ശിക്ഷി ക്കപ്പെടരുത്. ഇത് ആഗോളീകരണ കാലം. നമുക്ക് മാറ്റി എഴുതാം. ആയിരം മോഡിമാര്‍ , മുതലിക്കുമാര്‍ രക്ഷപ്പെട്ടാലും ഒരു മഅദനിയല്ലേ ശിക്ഷി ക്കപ്പെടുന്നത്.
വെള്ളവും എണ്ണയും
പിന്നെ കാസിം ഇരിക്കൂര്‍ ഗള്‍ഫ്‌ മാധ്യമത്തില്‍ എഴുതുന്നു. അറസ്റ്റ് വിഷയത്തില്‍ പ്രവാസി നേതാക്കള്‍ പ്രസ്താവനയും കൊണ്ട് പത്രമാഫീസിലേക്ക്‌ ഓടി ക്കിതച്ചു വന്നില്ല എന്ന്. നോമ്പ് കാലമല്ലേ നല്ല കാര്യങ്ങള്‍, സുക്ര്‍തങ്ങള്‍ മാത്രമേ ചെയ്യൂ എന്ന് അവര്‍ തീരുമാനിചിട്ടുണ്ടാവും. അല്ലങ്കില്‍ പ്രവാസി ജനത്തെ പേടിച്ചായിരിക്കും.
അന്ത്യം
നമുക്ക് നാമേ പണിവതു നാകം നരകവുമതുപോലെ ....
