അഞ്ചിന്റെ പൊല്ലാപ്പ്

ഒറ്റ അക്കങ്ങള്‍ക്ക് നല്ല ഭാഗ്യമാണ്, ഏഴു , പതിമൂന്ന്, പതിനേഴ്‌, ഇപ്രാവശ്യം ഇരുപതു കിട്ടിയപ്പോള്‍ ഒറ്റയല്ലെങ്കിലും മഹാ ലക്ഷമിയാനെന്നു കരുതി സന്തോഷിച്ചു. മന്ത്രിമാര്‍ നാല് മതി, ഇരട്ട സംഖ്യ, ഇരട്ടക്കും വേണ്ടേ  ഒരു ജീവിതം, അതിനിടയില്‍ വീണ്ടും ഒറ്റ സംഖ്യ ക്കാണ് മഹാ ബര്‍ക്കത്ത് എന്ന് ആരോ പറഞ്ഞു, ഏതോ കുഴിയില്‍ നിന്നാണ് അശരീരി, അങ്ങിനെ  അഞ്ചു   പത്രക്കാരെ വിളിച്ചു പ്രഖ്യാപിച്ചു  നമ്മക്ക് അഞ്ചു മന്ത്രിമാര്‍, ഒരു കയ്യില്‍ അഞ്ചു വിരലുകള്‍ എത്ര സുന്ദരം, ആറാം വിരല്‍ അധികം തന്നെ, പഞ്ചതന്ത്ര കഥകള്‍ എത്ര ആസ്വാദ്യകരം, അതിലേറെ ഗുണകരം, പഞ്ചാപാണ്ഡവര്‍ , പാഞ്ചാലി പുരാണ ഇതിഹാസ കഥാപാത്രങ്ങള്‍,  കുഞ്ചിയമ്മക്ക് അഞ്ചു മക്കളായിരുന്നു എന്ന് പദ്യ ശകലം, ഏതു മന്ത്രിക്കും ഭരണ ജീവിതം അഞ്ചു കൊല്ലം.  ഇനി സമുദായത്തിലേക്ക് വന്നാലോ അതിലേറെ മഹാ അത്ഭുതം, ഇസ്ലാം നിലനില്കുന്ന അഞ്ചു സ്തംഭം,  അഞ്ചു നേരത്തെ നമസ്കാരം.  ഈ മാന്ത്രിക സംഖ്യ തേടി പാണകാട് പുതുപള്ളിയിലേക്ക് ‌ പോയി പുതു പള്ളി  പാണക്കാട് വന്നു. കാടെവിടെ മക്കളെ എന്ന് അയ്യപ്പ പണിക്കര്‍, അന്ജെവിടെ മക്കളെ എന്ന് പൊതുജനം. ഈയിടെയായി ഈ സംഖ്യ ഉറക്കത്തിലും ഉണര്ച്ചയിലും രുദ്ര  ഭാവം പൂണ്ടു   ചിലരുടെ കൊക്കിന്നു പിടിക്കുന്നുവത്രേ .  പണ്ട് രാകി പറന്ന പരുന്തിന്റെ പിന്നാലെ  പോയ മന്ത്രിയുണ്ടല്ലോ അതെ പോലെ ഗണിത ശാസ്ത്രത്തില്‍ നിന്നും  അഞ്ചിനെ പിന്‍വലിക്കാന്‍ അപേക്ഷ വന്നാല്‍ വിദ്യാഭ്യാസ മന്തിക്ക് എന്‍ ഓ സി കൊടുക്കാം.  അങ്ങിനെ തീരട്ടെ ഈ അഞ്ചിന്റെ പൊല്ലാപ്പ്.                             

നിലവിളി

 

ധൃതിയില്‍ നടന്നു പോരുമ്പോള്‍  

ഭൂമി ഉറക്കെ ചോദിച്ചു , 

ആരാണ് എന്‍റെ മണ്ണ് കവര്‍ന്നെടുത്തത്?

 

ഞാന്‍ തിരിഞ്ഞു നോക്കിയില്ല.

 

പുഴ കണ്ണീര്‍ വാര്‍ത്തു കരഞ്ഞു ആരാണ് 

എന്‍റെ നെഞ്ചിലെ മണല്‍ കോരിയെടുത്തത് ?‌  

ഞാന്‍ നിസംഗനായി നീങ്ങി 

 

ആരാണ് എന്‍റെ മരങ്ങള്‍ വെട്ടിയെടുത്ത് വില്പന നടത്തിയത് 

കാട് നിലവിളിച്ചു 

ഈ ചോദ്യവും  എന്നെ അലോസരപ്പെടുത്തിയില്ല

കാരണം അതിന്നുത്തരവാദി യും ഞാനായിരുന്നു.  

വീട്ടിലെ കോലായിലെത്തി യപ്പോള്‍

മകളുടെ നിലവിളി ആരാണ് എന്‍റെ ചാരിത്ര്യം കവന്നെടുത്തത് ?