പണ്ടൊരു മാല ബസ്സില് കളഞ്ഞുപോയി.തിരക്കിട്ട് മാല തിരഞ്ഞു കൊണ്ടിരിക്കുന്നതിനിടയില് നമ്മുടെ ഉമ്മാമയുടെ ആത്മഗതം ഇന്റെ മാല ആര്ക്ക് കിട്ടിയാലും ഒരു മോല്യാര്ക്ക് കിട്ടാഞ്ഞാ മതി. അവരതിനു മസാലയുണ്ടാക്കും പിന്നെ കൈക്കലാക്കും.
അരസികന് അറബി അത്ര പിടിയില്ല. അപ്പോള് ഇംഗ്ലീഷ് അറിയുമെന്ന് നിങ്ങള് കരുതിക്കാണും. നല്ല ധാരണകളെ അരസികന് തിരുത്താന് മെനക്കെടുന്നില്ല.
കോടതി വിധികള് പൊതുവേ എല്ലാവര്ക്കും മനസ്സിലാകും. ആര്ക്കു അനുകൂലം ആര്ക്കു പ്രതികൂലം. അഥവാ മാ'രൂഫ്, മജ്ഹൂലല്ല. എന്നാല് കോടതി വിധികള്ക്ക് ഒരു ളമീര് ഉണ്ടെന്നും ആ ളമീര് മടങ്ങുന്നത് മറ്റേ ഗ്രൂപ്പിലേക്കന്നെ എന്ന് വാശി പിടിച്ചു രണ്ടു കൂട്ടരും വാദിച്ചു വാദിച്ചു വീണ്ടും കേസ് കൊടുക്കുകയും ചെയ്യുന്ന ഒരു തമാശ.
ഈ വലിയ തമാശ നടക്കുന്നത് കേരള നദവത്തുല് മുജാഹിദീനിലാകുന്നു. ചരിത്രത്തിലെ കേരള ഐക്യസംഘം ഇങ്ങിനെ അനൈക്യ സംഘമോ.... ? ഒന്നായ നമ്മെ രണ്ടാക്കി. പിന്നെ പണ്ഡിതര് കോടതി കയറി. വീണ്ടും വീണ്ടും കയറി. വിധികള് വന്നുകൊണ്ടിരുന്നു. വിധികള്ക്ക് നേതാക്കള് തഫ്സീര് ചമച്ചുകൊണ്ടിരുന്നു . കുറ്റിച്ചിറയും കൊട്ടപ്പുറവും നമ്മുടെ ബയോ ടാറ്റ യിലുള്ളത് കൊണ്ട് ആരും വാദത്തില് തോല്ക്കാനും പോവുന്നില്ല.രണ്ടു കൂട്ടരും ജയിച്ചുകൊണ്ടിരിക്കും.
നമ്മുടെ കിതാബുകള്ക്ക്കോടതി വിധികളുടെ ഗതികേട് പണ്ടേയുണ്ട്.
ഒന്നും പറയുന്നില്ല... നമുക്ക് മനസ്സ് നിറഞ്ഞു പ്രാര്ത്ഥിക്കാം. ഈ ജിന്ന് ബാധയില് നിന്നും മോചനം തേടി.
അല്ല , അലൈസ മിന്കും റജുലുന് റഷീദ് .........
======================== ========= =================== =============